భక్తిమార్గము

ఈ రోజు గురువారము సాయిబాబా యొక్క ఏకాదశ సూత్రములు మననం చేసుకొందాం:
శ్రీ సాయిబాబా ఏకాదశ సూత్రములు
1. షిర్డి ప్రవేశమే సర్వదుఃఖ పరిహారము

2.ఆర్తులైననేమి, నిరుపేదలైననేమి ద్వారకామాయి ప్రవేశమొనరించినంతనే సుఖ సంపదలు పొందగలరు.

3. ఈ భౌతిక దేహానంతరము సైతము నేనప్రమత్తుడనే.

4. నా భక్తులకు రక్షణ నా సమాధి నుండియే వెలువడును.

5. సమాధి నుండియే నేను సర్వకార్యములు నిర్వహింతును.

6. సమాధి నుండియే నా మానుష శరీరము మాటలాడును.

7. నన్నాశ్రయించిన వానిని, నన్ను శరణు జొచ్చిన వానిని నిరంతరము రక్షించుటయే నా ప్రథమ కర్తవ్యము.

8. నా యందెవరికి దృష్టి గలదో, వారియందే నా యొక్క కటాక్షము గలదు.

9. మీ భారములన్నియు నాపై బడవేయుడు, నేను మోసెదను.

10. నా సహాయమును గాని, సలహాను గాని కోరిన తత్ క్షణమే యెసంగెదను.

11. నా భక్తుల గృహములందు “లేమి” యను శబ్ధము పొడసూపదు.
ఓం శ్రీ సచ్చిదానంద సద్గురు సాయినాధ మహారాజ్ కి జై